ჩიკაგოში პოლიციამ დეპოლის უნივერსიტეტის კამპუსში დაბანაკებული პალესტინის მხარდამჭერები ტერიტორიიდან გაიყვანა. როგორც პოლიციის წარმომადგენელმა პრესკონფერენციაზე აღნიშნა, დაპირისპირება არ მომხდარა, თუმცა, მისივე ცნობით, ორი პირია დაკავებული.

კამპუსში პალესტინის მხარდამჭერები თითქმის სამი კვირის განმავლობაში იყვნენ დაბანაკებული.

დეპოლის უნივერსიტეტის ტერიტორიის გათავისუფლების შემდეგ ასობით სტუდენტმა საპროტესტო აქცია კამპუსის მოპირდაპირე მხარეს გამართა.

როგორც მედია წერს, პოლიციელები მომიტინგეებს უნივერსიტეტის შენობაში დაბრუნების საშუალებას არ აძლევდნენ.

დეპოლის უნივერსიტეტის წარმომადგენლები აცხადებენ, რომ ძალადობრივი მუქარის გამო ისინი იძულებული გახდნენ, პოლიციისთვის მიემართათ და ეთხოვათ, ტერიტორიის გათავისუფლებაში ჩარეულიყვნენ.