ჭიათურაში მაღაროელების პროტესტი გრძელდება. 

მაღაროში დასაქმებულები მეათე დღეა შიმშილობენ. ერთ-ერთი მათგანი დღეს შეუძლოდ გახდა. მას პირველადი დახმარება სასწრაფო სამედიცინო დახმარების ჯგუფმა აღმოუჩინა, რის შემდეგაც ის კლინიკაში გადაიყვანეს.

მაღაროელების მხარდამჭერი აქცია გაიმართება დღეს თბილისში, პარლამენტის შენობის წინ, სადაც რამდენიმე მაღაროელს კარავი აქვს გაშლილი. მათ უვადო შიმშილობა გამოაცხადეს იქამდე, სანამ კომპანია მათ მოთხოვნებს არ დააკმაყოფილებს.

მაღაროელები უკვე 16 დღეა გაფიცულები არიან და ჯორჯიან მანგანეზისგან ხელფასის მომატებას და შრომითი პირობების გაუმჯობესებას ითხოვენ.

კომპანიის წარმომადგენლებთან მოლაპარაკებების მიუხედავად, ჯერჯერობით შეთანხმება ვერ ხერხდება.