დონალდ ტრამპის განცხადებით, ჯო ბაიდენი საპრეზიდენტო რბოლას არ გამოეთიშება. ამის შესახებ აშშ-ის ყოფილმა პრეზიდენტმა „ფოქს ნიუსთან“ ინტერვიუში თქვა.

„ჩემთვის ისე ჩანს, რომ ის საპრეზიდენტო რბოლაში დარჩება. მას აქვს ეგო და მას კამპანიის შეწყვეტა არ სურს“, – განაცხადა ტრამპმა.

ტრამპის განცხადებით, ბაიდენისთვის რთული იქნება საპრეზიდენტო რბოლიდან იმ ფონზე გამოთიშვა, როდესაც დემოკრატების ნაწილი მას ამისკენ მოუწოდებს.

„მისთვის რბოლიდან ასე გამოთიშვა რთული იქნება, როდესაც მას ამას აიძულებენ“, – თქვა ტრამპმა.

მანამდე, ტრამპმა გამოთქვამდა ვარაუდი, რომ თუ ბაიდენი საპრეზიდენტო არჩევნების რბოლას გამოეთიშება, მაშინ დემოკრატები პრეზიდენტობის კანდიდატად ვიცე-პრეზიდენტ კამალა ჰარისს დაასახელებენ.