ცოტა ხნის წინ უეფა-მ ჩემპიონთა ლიგის ფინალური მატჩის ("მანჩესტერ სიტი"-"ინტერი") არბიტრად პოლონელი შიმონ მარცინიაკი დაამტკიცა - 42 წლის რეფერი, ვინც ყატარში მსოფლიო ჩემპიონატის დასკვნითი შეხვედრა იმსაჯა.

თუმცა გავრცელდა ინფორმაცია, რომ უეფა-მ, შესაძლოა, მარცინიაკი შეცვალოს... პოლონეთში ულტრამემარჯვენეთა მიტინგზე სიტყვით გამოსვლის გამო.

საქმე ისაა, რომ იმავე მიტინგზე სიტყვა წარმოთქვა პოლონელმა პოლიტიკოსმა სლავომირ მენცენმა, რომელიც ცნობილია ჰომოფობიური და ანტისემიტური შეხედულებებით.

უეფა-ს სპეციალურმა კომიტეტმა მარცინიაკისგან ახსნა-განმარტებები მოითხოვა. თუ უეფა არ დაკმაყოფილდება არბიტრის მიერ წარმოდგენილი არგუმენტებით, 10 ივნისს სტამბოლში გასამართ ფინალს სხვა იმსაჯებს.