თევდორე მღვდლის ქუჩაზე ჩამონგრეული შენობის 55 ფართიდან 47 ფართის მესაკუთრეს დიდუბის რაიონის გამგეობა უკვე დაუკავშირდა და მათ ქირით გაყვანა შესთავაზა.

როგორც დიდუბის რაიონის გამგებლის მოადგილე მამუკა ვეკუამ რადიო ,,სივრცის“ ეთერში განაცხადა,  წუხელ ამ შენობიდან 92 მოქალაქე უკვე გადაიყვანეს სხვადასხვა სასტუმროში, დღეს კი მესაკუთრეებს ქირით გაყვანას სთავაზობენ. 

მისი თქმით, შენობაში ბევრი იყო დაკეტილი ბინა, რომელთა მეპატრონეების ნაწილი ან საქართველოში არ არის, ზოგი დასასვენებლად არის.

,,55 ბინაა სულ და აქედან 47 ბინის მესაკუთრეს უკვე დავუკავშირდით“ - განაცხადა ვეკუამ რადიო ,,სივრცის“ ეთერში და განმარტა, რომ მათთან   მოლაპარაკებები  მიმდინარეობს .