პარტია „მოქალაქეების“ წევრი და ოპოზიციონერი დეპუტატი ალეკო ელისაშვილი, „გაერთიანებული ოპოზიცია ძალა ერთობაშია“- ს ლიდერის მურმან დუმბაძის განცხადებას გამოეხმაურა, სადაც დუმბაძემ აღნიშნა, რომ “მორალურად გირგვლიანი არ იყო იმ სუფრასთან მართალი და არ არის მოკლული”.

„ასეთ რამეებს რომ ბოდავთ „ნაციონალები“ და მათთან მიკედლებული სხვები მერე რატო გიკვირთ და რატომ წუწუნებთ „ოცნება“ 10 წელი როგორაა ხელისუფლებაშიო? ჩაიცუცქა აგერ მურმანი და უკვე ქურდულად არჩევს სანდრო გირგვლიანის საქმეს. შეეშვით გირგვლიანს, მაგრამ ვერ ჩერდებიან. ჰოდა, „ოცნებას“ ასაზრდოებენ „ნაციონალები“, მხოლოდ მათზე დგას „ოცნება“ და მეტზე არაფერზე. ფერი ფერს და მადლი ღმერთს - „ოცნებაზე“ და „ნაციონალებზეა“ ნათქვამი ზუსტად“, - წერს ალეკო ელისაშვილი.