ცაგერის 2 სოფლის 120-მდე ოჯახი ამ დრომდე გარე სამყაროს მოწყვეტილია. ქულბაქსა და ჩქუმთან დასაკავშირებლად გზის გაწმენდითი სამუშოები უკვე მეორე დღეა მიმდინარეობს. პარალელურად, დღესვე უნდა იყოს შესაძლებელი ალტერნატიული გზის დასრულებაც.

ქულბაქსა და ჩქუმთან დამაკავშირებელ გზაზე, ჯვარი-ხაიშის მონაკვეთზე თოვლისა და ჩამოშლილი კლდის მასა ორი დღის წინ ჩამოწვა. არის მსხვერპლი. 24 საათიანი ძებნის შედეგად მაშველებმა 43 წლის გელა ლიპარტელიანი ზვავში მოყოლილ ავტომანქანაში დაღუპული ნახეს.

"ველოდებით გეოლოგებს, ჩამოვლენ და დაიწყებენ შესწავლას ამ ტერიტორიის. ტექნიკა ადგილზე დარჩა და დავიწყეთ ალტერნატიული გზის გაჭრას, რომ მოსახლეობას გადაადგილება შეეძლოს,“ - აცხადებს ცაგერის მუნიციპალიტეტის მერის მოვალეობის შემსრულებელი, ალუდა თუთისანი.