ბულგარეთის ქალაქ ვარნას სანაპიროსა და შავი ზღვის წყალში დიდი რაოდენობით მკვდარი თევზი აღმოაჩინეს.

ვარნაში რეგიონალური გარემოსდაცვითი და წყლის ინსპექტირების სამსახურმა სანაპიროდან და ზღვის წყლიდან ნიმუშები აიღო და ლაბორატორიაში უკვე გადააგზავნა.

დაღუპული თევზების ზომა 3-4 სმ-მდე იყო, თუმცა ზღვაში როგორც მკვდარი, ისე ცოცხალი თევზი ჩანდა.

წინასწარი მონაცემებით, ქალაქის სანაპიროსთან დაბინძურება არ ფიქსირდება.

უცნობია, დაკავშირებულია თუ არა მომხდარი კახოვკის ჰესის აფეთქების შემდეგ შავი ზღვის დაბინძურებასთან, თუმცა ერთ-ერთი მოსაზრებით, თევზების დაღუპვა შესაძლოა, ზღვის წყლის ტემპერატურის მკვეთრ ვარდნას გამოეწვია.