ესპანეთის ნაკრებს გუშინ თბილისში დაგეგმილი ვარჯიში ჩაეშალა.

ფეხბურთელების ბუცები და მეკარის ხელთათმანები საქართველოში დროულად არ ჩამოსულა, რის გამოც ნაკრების მწვრთნელმა ლუის დე ლა ფუენტემ ვარჯიში დღეს დილისთვის გადადო.

დაკარგული ჩანთის დანიშნულების ადგილამდე მიტანას ესპანეთის ნაკრები დღეს ელოდება.

შეგახსენებთ, რომ საქართველოსა და ესპანეთის მატჩი დღეს, 8 სექტემბერს, „დინამო არენაზე“ 20:00 საათზე გაიმართება. მატჩის პირდაპირ რეპორტაჟს საქართველოს პირველი არხი შემოგთავაზებთ.

A ჯგუფს შოტლანდია 12 ქულით ლიდერობს, საქართველოს და ნორვეგიას 4-4 ქულა აქვთ, ესპანეთს - 3, ხოლო კვიპროსს ქულა არ მოუპოვებია. 

საქართველოს ნაკრებს ესპანეთთან უარყოფითი ბალანსი აქვს: 1 მოგება და 4 წაგება.