ბრიტანეთში, დიდი მანჩესტერის სასოფლო-სამეურნეო მიწებზე მცირე ზომის თვითმფრინავის ჩამოვარდნის შედეგად, ორი ადამიანი დაიღუპა. ინფორმაციას BBC ავრცელებს.

მედიის ინფორმაციით, თვითმფრინავი VIP სერვისებზე სპეციალიზებული კომპანიის საკუთრება იყო და ის ბირმინგემის აეროპორტიდან აფრინდა.

დიდი მანჩესტერის პოლიციის (GMP) ცნობით, საჰაერო შემთხვევების გამოძიების ჯგუფის ადგილზე იმყოფებოდა და შესაბამის სამუშაოებს ატარებს. GMP-ის წარმომადგენელმა განაცხადა, რომ სამაშველო სამსახურებმა ორი მამაკაცის ცხედარი იპოვეს.

ვარაუდობენ, რომ თვითმფრინავში სხვა ადამიანები არ იმყოფებოდნენ და ხმელეთზე დაშავებულების შესახებ ინფორმაცია არ გავრცელებულა.