თბილისში მიმდინარე ძიუდოს გრანდ სლემის მეორე საშეჯიბრო დღეს, 73 კგ-ში მოასპარეზე ლაშა შავდათუაშვილმა ბრინჯაოს მოპოვება შეძლო, ხოლო კოტე კაპანაძემ და დიმიტრი გოჩილაიძემ ბრინჯაოს მედლები დათმეს.

ოლიმპიურმა, მსოფლიოსა და ევროპის ჩემპიონმა, შავდათუაშვილმა ბრინჯაოს მედლისთვის ბულგარელი მარკ ხრისტოვი ვაზარით დაამარცხა და საქართველოს ნაკრებს ტურნირზე მეორე მედალი მოუტანა.

შეგახსენებთ, რომ თბილისის გრანდ სლემის პირველ დღეს 19 წლის გიორგი სარდალაშვილმა (60 კგ) ვერცხლის მედალი მოიპოვა. ახალგაზრდა ქართველმა ფინალში აზერბაიჯანელ ტურან ბაირამოვთან დაძაბულ ორთაბრძოლაში წააგო.