სომხეთის სახელმწიფო შემოსავლების კომიტეტის კონტრაბანდის საწინააღმდეგო დეპარტამენტის ზვარტნოცის საერთაშორისო აეროპორტის დეპარტამენტის თანამშრომლებმა, ზემოაღნიშნული აეროპორტის სამგზავრო საბაჟო კონტროლის დეპარტამენტის თანამშრომლებთან ერთად, ნარკოტიკების კონტრაბანდის  მნიშვნელოვანი შემთხვევა ერთად აღკვეთეს.

მიღებული ოპერატიული ინფორმაციით, ბრაზილიიდან სომხეთში სან-პაულო-პარიზი-ერევნის რეისით ჩაფრენილ ერთ-ერთ მგზავრს კოკაინი უნდა ჰქონოდა.  

სომხეთში ჩასვლისას ბრაზილიის მოქალაქე ლ.პ. ერევნის ზვარტნოცის საერთაშორისო აეროპორტში პირადი საბაჟო შემოწმება გაიარა. ეჭვის გამო, რომ მამაკაცი შესაძლოა სხეულში ნარკოტიკებს მალავდა, მას ვიზუალური გამოკვლევა ჩაუტარდა. შედეგად მის სხეულში უცხო საგნები დაფიქსირდა და იგი აეროპორტიდან სამედიცინო ცენტრში გადაიყვანეს, სადაც მსხვილი ნაწლავიდან სკანირების შედეგად აღმოჩენილი სფერული უცხო სხეულები ამოიღეს.  

სულ, ბრაზილიის მოქალაქის სწორი ნაწლავიდან ამოიღეს 120 ოვალური ფორმის კოკაინის კაფსულა 1216 გრამი ჯამური წონით.  ამ რაოდენობის კოკაინის საბაზრო ღირებულება 300 000 დოლარს აჭარბებს.