გავრცელებული ინფორმაციით, ბრაზილიამ და ჩინეთმა გააფორმეს შეთანხმება, რომელიც სავაჭრო ოპერაციებში საკუთარი ვალუტების სასარგებლოდ, ამერიკული დოლარის გამორიცხვას ითვალისწინებს. ამის შესახებ Fox Business-ი იუწყება.

კერძოდ, ეს შეთანხმება 2 ქვეყანას საშუალებას მისცემს იუანი რეალზე პირდაპირ გადაახურდაოს და პირიქით, ნაცვლად იმისა, რომ თანხა თავდაპირველად დოლარში დაკონვერტირდეს.

ამასთან, ბრაზილიური მხარის განცხადებით, როგორც მოსალოდნელია, ახალი შეთანხმება„შეამცირებს ხარჯებს“ და „ორმხრივ სავაჭრო ურთიერთობებს კიდევ უფრო გააღრმავებს და გაამარტივებს ინვესტიციებს“.

ბოლო მონაცემებით, ჩინეთი ბრაზილიის უმსხვილესი სავაჭრო პარტნიორია.