პარლამენტის თავმჯდომარე შალვა პაპუაშვილმა „ნაციონალური მოძრაობის“ დეპუტატს ანა წითლიძეს ბოთლის მანდატურებისთვის ჩაბარება სთხოვა, რომელიც მას ხელში ეჭირა.

როგორც შალვა პაპუაშვილმა აღნიშნა, არის ეჭვი, რომ ის ამ ბოთლის დახმარებით რაღაცას გეგმავდა.

"თქვენ გაქვთ რაღაც ბოთლი, ეჭვია, რომ რაღაცას აპირებთ. ძალიან გთხოვთ, ეგ ბოთლი ჩააბარეთ მანდატურს, გასვლისას დაგიბრუნებენ, არ არის პრობლემა. სამწუხაროდ, ამ დარბაზში გვაქვს ცუდი გამოცდილება. გთხოვთ, ჩააბაროთ. სამწუხაროდ, ქალბატონო ანა, ნდობა იმის მიმართ, რომ თქვენ რაიმე ექსტრავაგანტურს არ ჩაიდენთ, არ გვაქვს“, - აღნიშნა პაპუაშვილმა.

ცნობისთვის, კანონმდებლები ე.წ. აგენტების შესახებ კანონპროექტებს იხილავენ.