Bild-ის ინფორმაციით, მიმდინარე ეკონომიკური კრიზისის ფონზე, სამშენებლო ინდუსტრიაში არსებული პრობლემებისა და მომხმარებელთა რაოდენობის შემცირების გამო, სებნიცსა (საქსონია) და ლეინფელდენ-ეხტერდინგენში (ბადენ-ვიურტემბერგი) Bosch-ის ორი ქარხანა დაიხურება.

გერმანული ტრანსნაციონალური საინჟინრო და ტექნოლოგიური კომპანიის საწარმოების დახურვის შედეგად, 500-ზე მეტი სამუშაო ადგილი დაიკარგება. 

"ეს გადაწყვეტილება ჩვენთვის რთულია. არსებული პროგრამები, რომლებიც ხარჯების შემცირებასა და ეფექტურობის გაზრდას  ემსახურება, არასაკმარისია", - თქვა Bosch Power Tools-ის ხელმძღვანელმა თომას დონატომ.

პროფკავშირები საწარმოების დახურვას ეწინააღმდეგებიან. მათი თქმით, ათასობით სამუშაო ადგილი რისკის ქვეშაა.