საქართველოს რაგბის ეროვნული ნაკრები ბათუმში დაგეგმილ  ტესტ-მატჩებზე  შტადლერის ტიპის ორ სართულიანი მატარებლით გაემგზავრა.

ნაკრებს ნოემბერში სამი საშინაო შეხვედრა აქვს – ორი ბათუმში და ერთი თბილისში. შემოდგომის ტესტებს 8 ნოემბერს ბათუმში,  „აჭარაბეთ არენაზე“ დაიწყებენ, სადაც აშშ-ს ნაკრებს შეხვდებიან. 15 ნოემბერს კი  კანადის ნაკრებს დაუპირისპირდებიან. 22 ნოემბერს, ბორჯღალოსნები უკვე თბილისში  მიხეილ მესხის სტადიონზე იაპონიას შეერკინებიან.

შეგახსენებთ, რომ  საქართველოს რკინიგზამ რაგბის ფედერაციასთან ერთად მიიღო გადაწყვეტილება, რომ  7,8,14 და 15 ნოემბერს თბილისი-ბათუმის მატარებლის ბილეთის შეძენის შემთხვევაში,  ქომაგები საჩუქრად  ბათუმში რაგბის თამაშზე დასასწრებ ბილეთს მიიღებენ.

საქართველოს რკინიგზა ბორჯღალოსნებს წარმატებებს უსურვებს.