„ბოლომდე, გამარჯვებამდე“ - ამ სახელწოდებით რესპუბლიკის მოედნიდან პარლამენტის მიმართულებით საპროტესტო მსვლელობა გაიმართა და როგორც აღნიშნეს, ის საპარლამენტო არჩევნების ერთი წლისთავს მიუძღვნეს. აქციას შეუერთდნენ სალომე ზურაბიშვილი და ოპოზიციონერი პოლიტიკოსები. მათ საკანონმდებლო ორგანოსთან შეკრებილებს სიტყვით მიმართეს, თუმცა კონკრეტული გეგმა კვლავ ვერ გააცნეს.

აქციაზე კვლავ გამოჩნდა მიხეილ სააკაშვილის მხარდამჭერი ბანერებიც, რის გამოც ნაცმოძრაობის ყოფილი და მოქმედი წევრები ერთმანეთს დაუპირისპირდნენ და სიტყვიერი შეურაცხყოფაც მიაყენეს.