„ევროპული საქართველოს“ თავმჯდომარე, გიგა ბოკერია „ნაციონალური მოძრაობის“ წევრს გია ბარამიძეს ეხმიანება, რომელმაც თქვა, რომ პარტიაში ძირითად გადაწყვეტილებებში დავით კეზერაშვილსა და ვანო მერაბიშვილს მნიშვნელოვანი როლი უკავიათ.

როგორც გიგა ბოკერიამ აღნიშნა, რეჟიმისთვის „ნაციონალური მოძრაობა“ არის ყველაზე უფრო სასურველი ოპონენტი, იმის გამო, თუ რასაც დაემსგავსა ეს პოლიტიკური ძალა - „უპრინციპო, უღირებულებო, უგონო, დიდ პოლიტიკურ ზომბს.“

„ბარამიძისგან ახალი არაფერი გაგვიგია. თუმცა კიდევ ერთი დადასტურება, შემახსენებელი უნდა იყოს საქართველოს ყველა მოქალაქისთვის, ვისაც სურს რეჟიმის დამარცხება“, - აცხადებს გიგა ბოკერია.