„უკრაინამ ბელგიას სთხოვა დიდი რაოდენობით საწვავის მიწოდება უკრაინული ჯარების მომარაგებისთვის. ჩვენი ქვეყანა პასუხობს ამ მოთხოვნას, ჯამში ეს იქნება 3800 ტონა საწვავი. ბელგია, ასევე, უკრაინის არმიას 2000 ტყვიამფრქვევს გადასცემს,“ - დაწერა პრემიერ-მინისტრმა twitter-ზე.

დე კროს თქმით, ბრიუსელის მთავრობა განიხილავს კიევისთვის დახმარების შემდგომ მოთხოვნებს.

მან, ასევე, თქვა, რომ ბელგია 300 სამხედროს განათავსებს რუმინეთში, როგორც ნატოს ძალების ნაწილი, მისი აღმოსავლეთ ფლანგის გასაძლიერებლად.

შაბათს ცნობილი გახდა, რომ ლატვია უკრაინას გადასცემს 30-ზე მეტ სატვირთო მანქანას საბრძოლო მასალებით, ჩაფხუტით, მშრალი რაციონით, მედიკამენტებით, ასევე, 500 ტონა დიზელის საწვავს.