უკრაინის პრეზიდენტის ვოლოდიმირ ზელენსკის თავმჯდომარეობით გამართულ შეხვედრაზე სამხედრო მაღალჩინოსნებმა "ბახმუტში თავდაცვითი ოპერაციების შემდგომი გაძლიერების“ შესახებ ისაუბრეს.
როგორც ზელენსკის მთავარმა მრჩეველმა, მიხაილო პოდოლიაკმა განაცხადა, ბახმუტიდან უკანდახევის შესახებ არანაირი გადაწყვეტილება არ მიიღება, რადგან „ჯარისკაცებს შორის მიღწეულია კონსენსუსი ქალაქის დაცვის აუცილებლობისა და მტრის ძალების ახალი თავდაცვითი ხაზების განადგურების შესახებ.“
„უკრაინელებმა რუსეთის ძირითადი საბრძოლო ძალები ამოწურეს; შესაძლო კონტრშეტევისთვის ათიათასობით უკრაინელი სამხედრო მოსამსახურე გაიწვრთნა,“ - თქვა პოდოლიაკმა.
როგორც ცნობილია, რუსების მიერ ინტენსიურად იბომბებოდა დონეცკის რეგიონი და მიმდებარე სოფლები, როდესაც მოსკოვმა სამმხრივი შეტევა განახორციელა. რუსულმა ძალებმა ვერ შეძლეს „ნოკაუტური დარტყმა“, რომელიც მათ ბახმუტის დაკავების საშუალებას მისცემთ. 
ანალიტიკოსების შეფასებით, „ბახმუტს ვლადიმირ პუტინისთვის არ აქვს მნიშვნელოვანი სტრატეგიული ღირებულება და ნაკლებად სავარაუდოა, რომ მისი დაკავება კონფლიქტში გარდამტეხი წერტილი იყოს. ქალაქის მნიშვნელობა ძირითადად სიმბოლურია, რადგან მის აღებას რუსები სრული ძალისხმევით რამდენიმე თვის განმავლობაში ცდილობენ“.