ახალგაზრდა კაცი კონტაქტურია, მისი ჯანმრთელობის მდგომარეობის შესახებ დამატებითი ინფორმაცია კი უკვე სამედიცინო დაწესებულებაში გადაყვანის შემდეგ გახდება ცნობილი.

11 საათის განმავლობაში მაშველებს მასთან კომუნიკაცია ჰქონდათ დამყარებული. კაცი მეექვსე სართულზე ცხოვრობდა და შემთხვევის დროს სალხში მარტო იმყოფებოდა.

ანამდე, დაახლოებით ერთი საათის წინ, მაშველებმა ნანგრევებიდან ახალგაზრდა ქალი ამოიყვანეს. ის კლინიკაშია გადაყვანილი, სადაც მას სამედიცინო დახმარებას უწევენ.

ბათუმში, 26 მაისის ქუჩაზე, სადაც საცხოვრებელი კორპუსის სადარბაზო ჩამოინგრა, სამძებრო-სამაშველო ღონისძიებები გრძელდება. სადარბაზო, დაახლოებით, 12:00 საათზე ჩამოინგრა. დაშავებულთა შორის არასრულწლოვნებიც არიან. ერთ-ერთ მათგანს, ზედაპირული დაზიანებების გარდა, ქვედა კიდურის დაზიანებაც აღენიშნება. ​კორპუსის ნანგრევებში მოყოლილი ორი ადამიანი პოლიციასთან კონტაქტზე გავიდა. მიმდინარეობს მათი სამძებრო სამუშაო.