ბათუმში, ლერმონტოვის ქუჩაზე, ღამით სროლა იყო. ინფორმაციას ადგილობრივი მედია ავრცელებს.

„ბათუმელების“ ინფორმაციით, მაღაზია „უნივერსამში“ შეიარაღებული პირი შეიჭრა და ფულს ითხოვდა. ამავე ცნობით, მაღაზიიდან მოახერხეს დაცვის პოლიციასთან დაკავშირება.

გამოცემა წერს, რომ პოლიციის ადგილზე მისვლის შემდეგ შეიარაღებულმა პირმა მაღაზია ისე დატოვა, რომ არაფერი წაუღია. თუმცა, მან პოლიციელების მისამართით გაისროლა და დააკავეს. შემთხვევის შედეგად არავინ დაშავებულა.