პრემიერმა ბათუმში ავარიულ სახლების პრობლემის შესახებ ისაუბრა. მისი თქმით, ამ მიზნით დღეს მთავრობის სხდომაზე დაამტკიცებენ სახელმწიფო მიზნობრივი პროგრამას, რომლის განხორციელება, ძალიან მალე დაიწყება. ღარიბაშვილმა აღნიშნა, რომ აჭარის მთავრობის ხელმძღვანელს თორნიკე რიჟვაძეს მომზადებული აქვს პროგრამა „ბათუმი ავარიული სახლების“ გარეშე.

„მოგეხსენებათ, ბათუმში ძალიან მწვავედ დგას ავარიული სტატუსის მქონე საცხოვრებელი სახლების პრობლემა, რაც მოქალაქეებისთვის საფრთხეს წარმოადგენს. აღნიშნული მიზნობრივი პროგრამის თანახმად, ბათუმში არსებული ავარიული შენობები თანამედროვე ტიპის საცხოვრებელი კომპლექსებით ჩანაცვლდება. სწორედ ამის შესახებ გვექნება დღეს მთავრობის სხდომაზე მსჯელობა და ამ პროგრამას დავამტკიცებთ“, - განაცხადა ღარიბაშვილმა.