გუშინ, საღამოს საათებში ინტენსიური თოვის დროს, ბათუმის საერთაშორისო აეროპორტში, ქალაქის მხრიდან, ცენტრალური შესასვლელის მსუბუქი გადახურვა დაზიანდა.- ინფორმაციას "ტავ ჟორჯია" ავრცელებს. ადმინისტრაციის ცნობით, სახურავის დაზიანების შედეგად არავინ დაშავებულა.

ამასთან, რთული მეტეოროლოგიური პირობების გამო რეისები ამ დრომდე გადადებულია.  როცა მსუბუქი გადახურვა დაზიანდა  აეროპორტის ტერმინალში არ იყვნენ მგზავრები და არც პერსონალის დიდი ნაწილი.

"ტავ ჯორჯია" ამ დროისთვის აქტიურ აღდგენით სამუშაოებს ატარებს.  სამუშაოების დიდი ნაწილი უკვე შესრულებულია.