„ბიძინა ივანიშვილს არავინ არ დაასანქცირებს“, - ასე უპასუხა დარგობრივი ეკონომიკის კომიტეტის თავმჯდომარემ დავით სონღულაშვილმა ჟურნალისტის კითხვას, უნდა ველოდოთ თუ არა შემდეგში ბიძინა ივანიშვილის დასანქცირებას.

სონღულაშვილი აცხადებს, რომ საქართველოს ყოფილი გენერალური პროკურორის ოთარ ფარცხალაძის სანქცირების შესახებ არაფერი იცის.

„ფარცხალაძის არ ვიცი და ბატონ ბიძინას, რა თქმა უნდა, არ დაასანქცირებს არავინ“, - განაცხადა დავით სონღულაშვილმა.

ცნობისთვის, აშშ რუსეთის მიერ უკრაინაში უკანონო ომის წარმოებასთან დაკავშირებით, 150-ზე მეტ ფიზიკურ და იურიდიულ პირს სანქციებს უწესებს. სანქცირებულ პირთა შორის არის საქართველოს ყოფილი მთავარი პროკურორი ოთარ ფარცხალაძე.