აშშ-ის ყოფილი პრეზიდენტი ბარაკ ობამა აცხადებს, რომ უნგრეთის საპარლამენტო არჩევნებში ოპოზიციური პარტიის, „ტისას“ გამარჯვება დემოკრატიის გამარჯვებაა არა მხოლოდ ევროპაში, არამედ მთელ მსოფლიოში.

„ოპოზიციის გუშინდელი გამარჯვება უნგრეთში, ისევე როგორც 2023 წლის პოლონეთის არჩევნები, დემოკრატიის გამარჯვებაა არა მხოლოდ ევროპაში, არამედ მთელ მსოფლიოში. პირველ ყოვლისა, ეს უნგრელი ხალხის გამძლეობისა და მონდომების დასტურია და ყველა ჩვენგანისთვის შეხსენებაა, რომ გავაგრძელოთ სამართლიანობის, თანასწორობისა და კანონის უზენაესობისკენ სწრაფვა“, – წერს ობამა.

ცნობისთვის, ხმათა 96.37%-ის დათვლის შემდეგ, ოპოზიციური პარტია „ტისა“ უნგრეთის პარლამენტში 138 მანდატს აგროვებს, რაც ნიშნავს, რომ საკონსტიტუციო უმრავლესობას მოიპოვებს.