ბაიდენის ადმინისტრაციაში აცხადებენ, რომ პრეზიდენტის იმპიჩმენტისთვის რესპუბლიკელებს მტკიცებულებები არ აქვთ. თეთრი სახლის პრესსპიკერის, კარინ ჟან-პიერის თქმით, წარმომადგენელთა პალატის სპიკერის მიერ გამოცხადებული საიმპიჩმენტო მოკვლევა სინამდვილეში პოლიტიკური დევნაა და არა სიმართლის დადგენის სურვილი.

ბაიდენის წინააღმდეგ ფორმალური საიმპიჩმენტო გამოძიების დაწყების შესახებ კევინ მაკარტიმ გუშინ განაცხადა. საქმე ეხება ბაიდენების ოჯახის მიერ, რუსი, უკრაინელი და ყაზახი ოლიგარქებისგან 20 მილიონ დოლარზე მეტი ოდენობის ქრთამის აღების შესაძლო ფაქტს. გამოძიების თანახმად, ტრანზაქციებს ბაიდენის ვაჟი, ჰანთერ ბაიდენი იღებდა, თუმცა რესპუბლიკელები აცხადებენ, რომ კორუფციულ სქემასთან ჯო ბაიდენიც იყო დაკავშირებული.