აშშ-ის პრეზიდენტი, ჯო ბაიდენი G20-ის სამიტზე რუსეთის საგარეო საქმეთა მინისტრ სერგეი ლავროვთან და რუსეთის დელეგაციასთან კონტაქტს არ აპირებს. ამის შესახებ ამერიკელი ლიდერის ეროვნული უსაფრთხოების მრჩეველმა, ჯეიკ სალივანმა განაცხადა.

„პრეზიდენტი რუსეთის საგარეო საქმეთა სამინისტროს ხელმძღვანელთან შეხვედრას არ გეგმავს“, - განაცხადა სალივანმა ბრიფინგზე.

აშშ-ის სახელმწიფო დეპარტამენტის სპიკერმა ნედ პრაისმა ასევე განაცხადა, რომ ამერიკული დელეგაციის წარმომადგენლები ინდონეზიის სამიტზე რუსულ მხარესთან კომუნიკაციას არ აპირებენ.

„ფორმალური კონტაქტების გეგმები არ გვაქვს“, - აღნიშნა მან.

შეგახსენებთ, რომ G20-ის სამიტი ინდონეზიის კუნძულ ბალიზე 15-16 ნოემბერს გაიმართება.