ამერიკაში, მაიამიში, 29-30 აპრილს კომპანია „ბადაგონი” ღვინისა და ალკოჰოლური სასმელების საერთაშორისო გამოფენაზე Vinexpo Americas 2026 წარსდგება. 

როგორც მეღვინეობა ბადაგონში აცხადებენ, კომპანიის მიზანი უცვლელია: ქართული ღვინის მრავალსაუკუნოვანი კულტურისა და პრემიუმ ხარისხის წარდგენა საერთაშორისო ასპარეზზე. მაიამის გამოფენა საუკეთესო პლატფორმაა ამერიკელი იმპორტიორებისა და ღვინის ექსპერტებისთვის ბადაგონის უნიკალური გემოების გასაცნობად.

გამოფენაზე წარმოდგენილი იქნება ბადაგონის სხვადასხვა სახეობის, მათ შორის, ქვევრის ღვინოები, რომლებიც ალავერდის მე-11 საუკუნის ისტორიულ მარანში მზადდება.

ბადაგონის ღვინოები წარმოდგენილი იქნება საქართველოს ღვინის სტენდზე D/E040.01 ნომერთან.