ინდოეთმა შანხაის თანამშრომლობის ორგანიზაციაში აზერბაიჯანის გაწევრიანების საკითხი დაბლოკა. ამის შესახებ აზერბაიჯანული მედია იუწყება.

ინდოეთი მთავარ მიზეზად აზერბაიჯანის პაკისტანსა და თურქეთთან სტრატეგიულ კავშირს ასახელებს.

დღეისათვის აზერბაიჯანს შანხაის თანამშრომლობის ორგანიზაციაში პარტნიორის სტატუსი აქვს და მისი სრულუფლებიანი წევრობის საკითხი დღეს განიხილებოდა, რაზეც ინდოეთმა წინააღმდეგობა გამოთქვა. news.az-ის ცნობით, თავის მხრივ, ჩინეთმა კიდევ ერთხელ დაადასტურა მხარდაჭერა ორგანიზაციაში აზერბაიჯანის სრულუფლებიანი წევრობის მიმართ.