აზერბაიჯანში, კასპიის ზღვის აკვატორიაში ძლიერი მიწისძვრა მოხდა, მისმა მაგნიტუდამ 5,6 შეადგინა. ინფორმაციას Report.az ავრცელებს.

მიწისქვეშა ბიძგები შეიმჩნეოდა აფშერონის ნახევარკუნძულზე, სადაც მისმა სიმძლავრემ 5 მაგნიტუდა შეადგინა. ასევე მიწისძვრა აზერბაიჯანის სხვა რაიონებშიც იგრძნობოდა.

პირველი, ძლიერი მიწისძვრის შემდეგ რამდენიმე „აფტერშოკი“ დაფიქსირდა, მათმა მაგნიტუდამ 3-დან 5-მდე შეადგინა.

მიწისძვრის ეპიცენტრი აზერბაიჯანის სანაპიროდან 60 კმ-ში, 70 კმ-ის სიღრმეზე მდებარეობდა.

ნგრევის და მსხვერპლის შესახებ ინფორმაციას არ გავრცელებულა.