აზერბაიჯანში კორონავირუსის პანდემიის გამო, კარანტინი კიდევ ერთხელ გახანგრძლივდა - ამჯერად 2024 წლის 2 აპრილამდე. შესაბამისი გადაწყვეტილება აზერბაიჯანის მინისტრთა კაბინეტმა მიიღო - იტყობინება სააგენტო Trend.

ქვეყნის სახმელეთო საზღვრები დაკეტილი რჩება 2020 წლის გაზაფხულიდან. ბაქო აცხადებს, რომ შეინარჩუნებს კარანტინის რეჟიმს, რომელიც კოროვირუსული პანდემიის გამო შემოიღეს.

ქვეყანაში შესვლა შესაძლებელია მხოლოდ საჰაერო გზით. ამავდროულად, უცხოელებს და მოქალაქეობის არმქონე პირებს შეუძლიათ რესპუბლიკის დატოვება სახმელეთო გზით.

აგვისტოში საქართველოში მცხოვრებმა ეთნიკურმა აზერბაიჯანელებმა აზერბაიჯანის პრეზიდენტს ილჰამ ალიევს სახმელეთო საზღვრების გახსნის თხოვნით მიმართეს.