"აყროლებული ეს" - თეა წულუკიანი, ირინა სარიშვილს პასუხობს. 

ამის შესახებ, მან შალვა რამიშვილის "ფეისბუკ" პოსტზე, კომენტარის სახით დაწერა. 

"არა მხოლოდ აბრალებდა, გია ჭანტურიას მკვლელობის საქმეზე კანონიერ ძალაში შესულ განაჩენში წერია, შავით თეთრზე და ფაქტებით, რომ შეიარაღებული თავდასხმა გიორგაძემ შეუკვეთა. ეს საქმე იხილებოდა სტრასბურგში და ვინც ჩიოდა, ეს ასე არ იყოო, იმან წააგო. ანუ: დადასტურებულია. მერე ადგა ეს ჩვენი ირინე და შეცუნცულდა ამავე გიორგაძის პარტიაში. ეს ფაქტები.

რაც შეეხება კითხვას: რომ ისაუზმა დილით ცოლ-ქმარმა და კიბეზე დაიწყო ჩასვლა, ვალდებულნი ვართ, ვიფიქროთ, რომ უსპეტაკესი ლოთბაზარა ირინე არ იყო მთავარი "ნასედკა"? მე არ ვარ ვალდებული, ირი, დაგენაცვლა შენ იგორი, ვიცნობ რა კარგად საქმის მასალებს და მაქვს რა ზუსტად ისეთივე გამოხატვის თავისუფლება, როგორც "ბარდაჩოკში" თავშეყოფილ ირინეს. განა ვალდებული ვარ, არ გავიფიქრო, კი მაგრამ, შე პატიოსანო დედაკაცო, რაღა დუნდულოში თუ სხვა ორგანოში დააჭრევინე თავი, სხვა რამეზე ვერ შეუთანხმდი დამკვეთს? არ ვარ ვალდებული. არაა, თან, ეს მისი მხრიდან პრაგმატული, რადგან დუნდულოთი და სხვა ორგანოთი გააქვს თავი მთელი ცხოვრება და ხომ უნდა მოუფრთხილდეს?! წერს, ციხეში დაქორწინებას რატომ მაყვედრიო, გაყვედრი არა, მეტი საქმე არა მაქვს! ვამბობ ფაქტის შესახებ. და დავძენ, რომ ეს გარე ძალების დავალებით გააკეთე, ირენ, შე პატიოსანო და ალკოჰოლთან მწყრალად მყოფო, ლამაზო ქოფაკო. დიფ სთეითის დავალებით ქორწინება არ გამიკეთებია ციხეშიო, იცინის, რათა გააუბრალოოს  ეს საშინელება. და მერე მე დიფსთეითი როდი ვიგულისხმე, მე რუსული კაგებე ვიგულისხმე, შე დარლინგო, შენა!  დიახ. 
და ირინე სარიშვილის დიდ მყრალ ტორტზე მარწყვი - ჩემი აზრით, სწორედ საშინელი ცოდვების მოსანანიებლად (საშინელ ცოდვაში ვგულისხმობ : შეუსრულა ბოლომდე გია ჭანტურიას და ჩააწვინა კუბოში ცოლის სტატუსით), სხვისი შვილების შვილება და გაზრდა დაიწყო, რაც სანაქებოა. მაგრამ ეს ღმერთთან გაარჩიოს. აყროლებული ეს. გადაწყვიტა აქ ორი სუფთა ოჯახის და ხალხის არევა თავის ბინძურ ჭკუაში,"- წერს თეა წულუკიანი.