„დღეს ველაპარაკებოდი ჩემს მეგობარს, რა კარგი იყო ერთი თვე ამ სივრცეში ყოფნის უფლება რომ ჩამომართვა ცუკერბერგმა. 
 

ბოროტებისგან,დაპირისპირებისგან, ბულინგისგან დავისვენე. 
 

ახლა რომ ვდარდობთ გიორგიზე, ჩვენი ბრალი არაა რაც სჭირს? ჩვენ არ ვაბულინგეთ? არ ვათრიეთ? ასე არ ვაკეთებთ აქ ყოველ დღე?! 
 

გიორგი აუცილებლად გადარჩება და დაგვავიწყდება ეს ამბავი, როგორც ყველა დანარჩენი და შევუდგებით ისევ ბოროტების ფრქვევას.“ცნობისთვის, გიორგი კეკელიძე ცოტა ხნის წინ საავადმყოფოში გადაიყვანეს. მანამდე მან სოციალურ ქსელში წერილი გამოაქვეყნა, სადაც წერდა:
 

„წელიწადია, მძიმე დეპრესია მტანჯავს. ვერავინ ამოიცნო რეალური მიზეზი.
 

ამის აღწერა და გადმოცემა მიჭირს. არც არის საჭირო. ახლო მეგობრებმა იციან და საკმარისია. მთელი ცხოვრება მხოლოდ რაღაც კარგი მინდოდა გამეკეთებინა. რაც შევძელი – შევძელი. ასე დაძალებით ცხოვრება კი უკვე აღარ გამოდის. ვცდილობდი, მაგრამ ვეღარ. სხვებს ვუხსნიდი ხელახალ დაბადებაზე, ხოლო საკუთარ თავთან ბრძოლა ჩემი მარცხით დამთავრდა. ამიტომაც ვემშვიდობები ამ წუთისოფელს. ასე პროზაულად და შეიძლება, უგემოვნოდაც. საჯაროდ ამ ამბავს იმიტომ ვყვები, რომ ცხადად იცოდეთ – ჩემს სიკვდილში ბრალი არავის მიუძღვის. მხოლოდ მე და ჩემს ობსესია-წარმოსახვებს. სამყარო ხომ ჩვენი წარმოდგენაა მასზე. მადლობა იმ დაუმსახურებელი სიყვარულისთვის, რასაც თქვენგან ვგრძნობდი. მადლობა მეგობრებს, რომლებიც მაძალებდნენ ცხოვრებაში დაბრუნებას/მეც ვცდილობდი მემუშავა და საქმე არ დაზარალებულიყო.
 

ბოდიში თაკო, ზაალ, ბესო და დედა.
 

მარად თქვენი გიორგი კეკელიძე“.