რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ კომენტარი გააკეთა
ევროპული დიპლომატიის ხელმძღვანელის იოსებ ბორელის განცხადებაზე. 

ცნობისთვის, ბორელიმ გუშინ გააკრიტიკა ე.წ. აგენტების შესახებ კანონპროექტი, რომელიც საქართველოს პარლამენტმა პირველი მოსმენით მიიღო. კანონპროექტის პირველი მოსმენით მიღებას კი თბილისის ცენტრში არეულობა მოჰყვა.

„ბორელიმ თქვა, რომ კანონი უცხოელი აგენტების შესახებ, რომელმაც თბილისში პროტესტი გამოიწვია, შეუთავსებელია ევროკავშირის ღირებულებებთან. ახლა გასაგებია, რატომ არ არის შეერთებული შტატები ჯერ კიდევ ევროკავშირში - ეს კანონი იქ 1938 წლიდან მოქმედებს“, - დაწერა ზახაროვამ ტელეგრამ-არხში.