ახალქალაქში სასწრაფო–სამედიცინო დახმარების ავტომობილი ავარიაში მოყვა. შემთხვევა დღეს, 1-ელ აგვისტოს მოხდა. 

გავრცელებული ინფორმაციით, დაშავებულია ეკიპაჟის ორი პირი. ისინი საავადმყოფოში უკვე გადაიყვანეს და მათ სიცოცხლეს საფრთხე არ ემუქრება.

„ენერგო-პრო ჯორჯია“–ს განცხადებით, ავარიის შედეგად ელექტროგადამცემი ხაზი დაზიანდა, რის გამოც ელექტროენერგიის მიწოდება დროებით ოთხ აბონენტს შეუწყდა. დაზიანების აღმოსაფხვრელად ადგილზე ტექნიკური ჯგუფი მუშაობს.

აღნიშნულ ფაქტთან დაკავშირებით, გამოძიება მიმდინარეობს. ამ დროისთვის უცნობია კონკრეტულად რა მუხლით დაიწყო მომხდარზე გამოძიება.