“არა რუსულ კანონს!” - ახალგაზრდების საპროტესტო შეკრება პარლამენტთან დასრულდა. აღდგა საავტომობილო მოძრაობაც.

აქციის მონაწილეებმა მსვლელობა სწორედ საკანონმდებლო ორგანოსთან, რუსთაველის გამზირიდან დაიწყეს და ამავე ტერიტორიაზე დაასრულეს.

შუალედში კი მსვლელობა მოაწყვეს თავისუფლების მოედნისკენ და სანაპიროზე. ცოტა ხნით შეჩერდნენ “ქართული ოცნების” ოფისთანაც, სადაც პოლიციის კორდონი დახვდათ. 

დემონსტრანტებმა მოგვიანებით ევროპის მოედანზე გადაინაცვლეს, სადაც დააფიქსირეს თავიანთი პოზიცია ქვეყნის ევროინტეგრაციასთან დაკავშირებით. ამის შემდეგ კი ისინი კვლავ პარლამენტთან დაბრუნდნენ. 

"სანამ ამ კანონს უკან არ გაიწვევენ, არ მოვასვენებთ", - ამბობდნენ აქციის მონაწილეები.

დღევანდელი მსვლელობისას არანაირი ინციდენტი არ მომხდარა.