ავიაკომპანია Eurowings-ი დეკემბრიდან ბერლინსა და თბილისს შორის ფრენებს დაწყებას გეგმავს. კომპანიის ვებგვერდზე შესაბამისი პერიოდის ბილეთების შეძენა უკვე შესაძლებელია, თუმცა არ არის ცნობილი, გახდება თუ არა მარშრუტი რეგულარული.

პირველი რეისი 2023 წლის 18 დეკემბერს იგეგმება, თუმცა 4 კვირის შემდეგ Eurowings-ი ფრენებს რამდენიმე კვირით აჩერებს. ფრენები 2024 წლის 26 თებერვალს განახლდება.

ამჟამინდელი ინფორმაციით, ავიაკომპანია საქართველოსა და გერმანიის დედაქალაქებს შორის კვირაში ერთხელ, ორშაბათობით იფრენს.