ავიაკომპანია "აზიმუტის" კუთვნილ "სუპერჯეტ 100“-ს ძრავის საფარი ფრენისას მოწყდა - ვიდეო

ავიაკომპანია „აზიმუტის“ თვითმფრინავს (RA-89120), რომელიც ვნუკოვოდან ბათუმისკენ A4-7053 რეისს ასრულებდა, აფრენისას მარჯვენა ძრავის საფარი დაკარგა, წერს „ავიატორშჩინა“ და შესაბამისი ვიდეოც ვრცელდება.

თვითმფრინავის მეთაურმა გადაწყვიტა გამგზავრების აეროპორტში დაბრუნება, სადაც გამოცხადდა „ლურჯი“ განგაშის კოდი (თვითმფრინავის ავარია, საგანგებო დაშვება). ასაფრენ ბილიკზე ძრავის საფარის ფრაგმენტები იპოვეს.

— ეს პირველი შემთხვევა არ არის, როდესაც „აზიმუტს“ მსგავსი რამ დაემართა: გასული წლის ზაფხულში, მინერალნიე ვოდიდან აფრენისას, კიდევ ერთი „სუპერჯეტ 100“-ის მარცხენა ძრავის საფარი გაიღო და მისი ნამსხვრევებიც ასაფრენ ბილიკზე აღმოჩნდა.