ავღანეთის დედაქალაქის, ქაბულის სალანგის გვირაბში, საწვავის ტანკერი აფეთქდა, რის შედეგადაც 19 ადამიანი დაიღუპა, 32 კი მძიმედ დაშავდა.

პარვანის პროვინციის სპიკერმა, საიდ ჰიმატულა შამიმ განაცხადა, რომ დაღუპულთა შორის არიან ქალები და ბავშვები. მისივე თქმით, გარდაცვლილთა ნაწილის ამოცნობა დამწვრობების გამო ვერ შეძლეს. 

ნანგრევებში კი ამ დრომდე იმყოფებიან დაშავებულები და შესაძლოა, დაღუპულთა რიცხვი კიდევ გაიზარდოს. დაშავებულები კლინიკაში გადაიყვანეს. უბედური შემთხვევის მიზეზი ჯერჯერობით უცნობია.