აშშ-ის ლუიზიანას შტატში, ნიუ ორლეანში მომხდარი მასიური ავტოსაგზაო შემთხვევის შედეგად შვიდი ადამიანი დაიღუპა. პორტალ Breaking 911-ის ცნობით, სქელი ნისლის გამო ხიდზე 158 მსუბუქი ავტომობილი შეეჯახა.

სააგენტოს ცნობით, ავარია შესაძლოა ძლიერი ნისლის გამო მომხდარიყო: ხილვადობა მხოლოდ სამი მეტრი იყო. ცნობილია, რომ ავარიაში სატვირთო მანქანებიც მონაწილეობდნენ, რომელთაგან ორს ცეცხლი გაუჩნდა. შეჯახების შედეგად ერთი მანქანა ხიდიდან გადმოვარდა, თუმცა მძღოლმა გაქცევა შეძლო.

ავარიის შედეგად სულ მცირე შვიდი ადამიანი დაიღუპა და 20-ზე მეტი დაშავდა. დაღუპულთა რიცხვი სავარაუდოდ გაიზრდება, რადგან მაშველები აგრძელებენ ნანგრევების გაწმენდას. სავარაუდოა, რომ ზოგიერთი მგზავრი შესაძლოა მანქანებში იყოს ჩარჩენილი.