ორგანიზაციის ინფორმაციით, ეს არის პირველი შემთხვევა, როდესაც ატლანტიკურმა საბჭომ აღნიშნული ჯილდო მთელ ერს გადასცა.

„ატლანტიკური საბჭო პატივს სცემს უკრაინის ხალხს განსაკუთრებული გამბედაობისა და გამძლეობისთვის რუსეთის სასტიკი და არაპროვოცირებული შემოჭრის წინაშე", - ნათქვამია ორგანიზაციის განცხადებაში.

დაჯილდოების ცერემონია ვაშინგტონში გაიმართა და მონაწილეებს ვიდეო ჩართვის საშუალებით უკრაინის პრეზიდენტმა, ვოლოდიმირ ზელენსკიმ სიტყვით მიმართა და ატლანტიკურ საბჭოს, უკრაინელი ხალხის სახელით, მადლობა გადაუხადა.