აშშ-ის პრეზიდენტმა, დონალდ ტრამპმა განაცხადა, რომ აშშ უპასუხებს ევროკავშირის მიერ დაწესებულ საპასუხო ტარიფებს.

„ევროკავშირი შეიქმნა იმისათვის, რომ აშშ-ისგან სარგებელი მიეღო“, - აღნიშნა აშშ-ის პრეზიდენტმა ირლანიის პრემიერ-მინისტრთან გამართულ შეხვედრაზე.

აშშ-ის პრეზიდენტის თქმით, ტარიფებთან დაკავშირებით ამ დროისთვის მოქნილობა არსებობს, თუმცა ეს შეწყდება ტარიფების ამოქმედების შემდეგ.

შეგახსენებთ, რომ ევროკავშირი ამერიკას საპასუხო ტარიფებს უწესებს. პირველ აპრილს ძალაში შევა 25%-იანი გადასახადი ამერიკულ იმპორტზე, მათ შორის, 26 მილიარდის ოდენობის პროდუქტზე, რომლის ევროპის ქვეყნებში შეტანა შემდგომ თვეში არის დაგეგმილი. ევროსაბჭოს გადაწყვეტილება ამერიკის დაწესებულ ტარიფს მოჰყვა, რომელიც ძალაში დღეს შევიდა.