აშშ უკრაინის ცას არ დახურავს, რადგან არასაფრენი ზონის გამოცხადება რუსეთთან კონფლიქტს ნიშნავს

აშშ უკრაინის ცას არ დახურავს, რადგან არასაფრენი ზონის გამოცხადება რუსეთთან კონფლიქტს ნიშნავს - აშშ-ის თავდაცვის მდივანი

18/03/2022

00:17

A-

აშშ-ის თავდაცვის მდივანმა, ლოიდ ოსტინმა კიდევ ერთხელ გაიმეორა, რომ აშშ უკრაინის ცას არ დახურავს, რადგან არასაფრენი ზონის გამოცხადება რუსეთთან კონფლიქტს ნიშნავს.

„პრეზიდენტმა ბაიდენმა მკაფიოდ განაცხადა, რომ ამერიკული ჯარები უკრაინაში არ იბრძოლებენ. ჩვენ ყველაფერს გავაკეთებთ, რომ მხარი დავუჭიროთ უკრაინას თავისი ტერიტორიის დასაცავად“, - აღნიშნა აშშ-ის თავდაცვის მდივანმა.

ლოიდ ოსტინის თქმით, არასაფრენი ზონის დაწესება რეალურად ნიშნავს, რომ რუსეთს ეომები, ხოლო პრეზიდენტმა ბაიდენმა ბრძანა, რომ აშშ ამის გაკეთებას არ აპირებს.

მან ასევე აღნიშნა, რომ უკრაინულმა ძალებმა წარმატებით გამოიყენეს საჰაერო თავდაცვის სისტემები რუსეთის მხრიდან თავდასხმების შესაჩერებლად.

573