ამერიკის შეერთებული შტატების სახაზინო დეპარტამენტი უკრაინას გრანტის სახით დამატებით 4.5 მილიარდ დოლარს გამოუყოფს. ამის შესახებ განცხადებას სახაზინო დეპარტამენტის ხელმძღვანელი, ჯენეტ იელენი ავრცელებს.

განცხადებაში აღნიშნულია, რომ შეერთებული შტატები აგრძელებს უკრაინის "ურყევ მხარდაჭერას". ასევე, ნათქვამია რომ თანხის გადაცემა უკრაინისთვის უახლოეს კვირებში დაიწყება.

"ეს თანხა დაეხმარება უკრაინის მთავრობას დაიცვას ქვეყანა რუსეთის უკანონო ომისგან, უზრუნველყოფს ქვეყნის ეკონომიკურ სტაბილურობას, ძირითადი სამთავრობო სერვისების ფუნქციონირებას, საავადმყოფოების თანამშრომლების, მასწავლებლებისა და მთავრობის ხელფასების გადახდას", - წერია განცხადებაში.