აშშ-ში ზამთრის შტორმს, სულ მცირე, 35 ადამიანი ემსხვერპლა. განსაკუთრებით რთული მდგომარეობაა ნიუ იორკის შტატის ქალაქ ბუფალოში, სადაც თოვლის საფარის სიმაღლე ერთ მეტრს აჭარბებს.

სტიქიის გამო ქვეყანაში სატრანსპორტო გადაადგილებას მასშტაბური პრობლემები შეექმნა. ასი ათასობით ადამიანი ელექტროენერგიის გარეშეა დარჩენილი. ნიუ იორკსა და ფლორიდაში ბოლო ათწლეულების განმავლობაში რეკორდულად დაბალი ტემპერატურაა. ენერგეტიკული კომპანიები მოსახლეობას ელექტროენერგიის დაზოგვისკენ მოუწოდებენ.