BBC-ის ინფორმაციით, ასობით ათას მიგრანტს, რომლებსაც აშშ-ში ყოფნის სპეციალური ნებართვა ჰქონდათ, ქვეყნის დატოვება უახლოეს მომავალში მოუწევთ. 

აშშ-ის შიდა უსაფრთხოების დეპარტამენტის მიერ გავრცელებულ განცხადებაში ნათქვამია, რომ შტატების დატოვება ნახევარ მილიონზე მეტ კუბელ, ჰაიტელ, ნიკარაგუელ და ვენესუელელ მიგრანტს მოუწევს, რომლებსაც ქვეყანაში 2-წლამდე ვადით დარჩენის შესაძლებლობა ჯო ბაიდენის შესაბამისი განკარგულების საფუძველზე ჰქონდათ. მედიის ცნობით, მიგრანტებს ქვეყნის დატოვების შესახებ მოთხოვნა ელექტრონული ფოსტის საშუალებით გაეგზავნებათ.