აშშ-ის პრეზიდენტმა დავოსში გამოსვლისას განაცხადა, რომ შეერთებული შტატები ვენესუელას ეხმარება.

მისი თქმით, ეს ბოლივარიულ რესპუბლიკას მეტი ფულის გამომუშავებაში დაეხმარება. ტრამპმა დაამატა, რომ შეერთებულმა შტატებმა გასულ კვირას ვენესუელიდან 50 მილიონი ბარელი ნავთობი გაიტანა.

„ვენესუელა წარმოუდგენელი ადგილია. სამწუხაროდ, ბოლო 20 წლის განმავლობაში სხვადასხვა პოლიტიკამ ისინი ძალიან რთულ მდგომარეობაში ჩააგდო. ეს იყო შესანიშნავი ქვეყანა, ახლა კი უჭირს და ჩვენ ვეხმარებით გაჭირვებულებს. ჩვენ აუცილებლად გავუზიარებთ მათ ამ 50 მილიონ ბარელს. შემდეგ ისინი მეტს აწარმოებენ, უფრო მეტ ფულს გამოიმუშავებენ, ვიდრე ოდესმე. ასე რომ, ვენესუელა აყვავდება და ჩვენ მადლობას ვუხდით მათ თანამშრომლობისთვის. როგორც კი თავდასხმა დასრულდა, ჩვენ მაშინვე ვთქვით: „მოდით, შეთანხმება დავდოთ“. სინამდვილეში, უფრო მეტმა ადამიანმა უნდა გააკეთოს ეს. დარწმუნებული ვარ, რომ ვენესუელა მომდევნო ექვსი თვის განმავლობაში უფრო მეტი ფულის გამომუშავებას შეძლებს, ვიდრე ბოლო 20 წლის განმავლობაში.“- განაცხადა დონალდ ტრამპმა.