აშშ-ის პრეზიდენტმა, დონალდ ტრამპმა ხელი მოაწერა აღმასრულებელ განკარგულებას, რომლის მიხედვითაც, აშშ-ს ჯანდაცვის მსოფლიო ორგანიზაციიდან გამოსვლის პროცესს იწყებს.

„ოჰ, ეს დიდი ნაბიჯია,“ – აღნიშნა ტრამპმა ხელმოწერისას.

დონალდ ტრამპის განცხადებით, აშშ-მა სხვა ქვეყნებთან შედარებით არასამართლიანი თანხა გადაიხადა ჯანდაცვის მსოფლიო ორგანიზაციაში.

„მათ ძალიან უნდოდათ ჩვენი დაბრუნება, ასე რომ, ვნახოთ, რა მოხდება,“ – განაცხადა ტრამპმა ჯანდაცვის მსოფლიო ორგანიზაციაზე საუბრისას.

ბრძანების ტექსტში აშშ-ს გამოსვლის მიზეზებად დასახელებულია, მათ შორის, ჯანდაცვის მსოფლიო ორგანიზაციის მიერ „კოვიდ-19-ის პანდემიისა და სხვა გლობალური ჯანდაცვის კრიზისების არასწორი მართვა“.