აშშ-ის სენატმა დაამტკიცა პრეზიდენტ დონალდ ტრამპის კანონპროექტი ხარჯებისა და გადასახადების შესახებ.
ხმები თანაბრად გაიყო: სენატორების ნახევარმა ხმა მისცა კანონპროექტს, მეორე ნახევარი კი წინააღმდეგ წავიდა. გადამწყვეტი ხმა ვიცე-პრეზიდენტმა, ჯეი დი ვენსმა მისცა, რომელსაც კონსტიტუცია ასეთ შემთხვევებში ხმის მიცემის უფლებას აძლევს.
დოკუმენტი ითვალისწინებს:
სახელმწიფო ვალის ზღვრის გაზრდას ხუთი ტრილიონი დოლარით;
ზოგიერთი სოციალური პროგრამის შემცირებას;
სამხედრო ხარჯების გაზრდას;
ტრამპის პირველი ვადიდან მოქმედი საგადასახადო შეღავათების შენარჩუნებას.
შედეგად, კონგრესის საბიუჯეტო სამმართველოს შეფასებით, სახელმწიფო ვალი ათ წელიწადში 3.3 ტრილიონი დოლარით გაიზრდება და დაახლოებით 12 მილიონ ამერიკელს სამედიცინო დაზღვევის გარეშე დატოვებს.
ტრამპის ინიციატივის წინააღმდეგ გამოვიდა ილონ მასკი, რომელიც ამტკიცებდა, რომ ბიუჯეტის დეფიციტი 2.5 ტრილიონ დოლარს მიაღწევდა, ხოლო ამერიკელი მოქალაქეები გაუსაძლისი ვალის წინაშე დადგებოდნენ.
0
0
